عبدالحسینء سایٹء پیٹھ چھوء توہیہ خیرمقدم

امیرالمومنین سئنز وصیت

طبرین پننس تاریخس منز تہ ابوالفرا اصفھانین پننس مقاتل الطالبیینس منز مولا امیر المومنین علی ابن ابیطالب علیہ السلام سنز وصیت یتھی کئن نقل کر مژ:

ترجمہ از : عبدالحسین 

بسم اﷲ الرحمن الرحیم ؛ یہ چھئ علی ابن ابیطالبؑ سنز وصیت  ۔ گواھی چھو  دوان ز  خدایس بغیر چھنہ کانہہ معبود تہ محمدﷺ چھو تس سند بندء تہ پیغمبر ،یمی سوء آئین تہ ھدایت ھیتھ  سوز تا کہ تمام ادیانن پیٹھ سپدء غالب ، اگرچہ مشرکن یی نہ پسند ۔ 

میانی نماز تہ عبادت ، زندگی تہ موت چھوء خدای سندء باپت، بہ چھوس امی باپت پادء سپد مت تہ بہء چھس مسلمان ۔ توھیہ دون حسنؑ تہ حسینسؑ چھوس تقوای الھی اختیار کرنچ سفارش کران ۔ دنیاہس پتہ روزیو نہ اگر چہ دنیا توھیہ پتہ دوران آسہ تہ ۔ 

یہ کیہنژاہ  دنیا منزء راویو تمیوک پروای کرزیو نہ ، حق بغیروین زیو نہ کہین،  آخرت باپت دی زیو کامہ انجام۔ظالم سند دشمن تہ مظلوم سند یاور بنتھ روزیو ۔

توھیہ دون تہ تمام اولادن تہ خاندانس تہ تمس یمس تام یہ وصیت نامہ واتہ چھوس وصیت کران زء تقوای الھی  اختیار یو اختیار،تہ کامین منز  کرزیو  نظم و  ضبط  رعایت تہ پانہ وانی آسی زیوصلاح سان روزان ،  کیازء کہ رسول خدایس ﷺ نش چھوم بوزمت کہ فرموک لوکن منز صلح کرناون چھوء تمام نمازو  تہ روزو کھوتہ افضل، تہ دشمنی کر زیو نہ کیازء کہ سوء چھوء دین کہ زوالک سبب بنان صرف چھو خدای سندء استعانت ساتھی سوری ممکن ۔ پنین عاشناون ھند تھاوزیو خیال تہ تھاوزیو تمن ساتھی یون گژھن کیازہ تمہ سبب کریو خدا محاسبہ توھیہ پیٹھ آسان۔ 

خدای سندء پاسہء یتیمن ھند تھاو زیو خیال ، یوتھنہ تمی بوچھہ ہت روزن تہ توھیہ برونہ کنہ گژھن خوار ۔ کیازکہ رسول خدایس ﷺ نش چھوم بوزمت فرموک یلہ کانہ یتیم سنز سرپرستی کرء تاکہ بے نیاز سپدء خدای کرء تمس پیٹھ بہشت واجب ، تہ یوس اکھا یتیم سند مال کھیہ خدا کرء جہنم تمس پیٹھ واجب ۔ 

خدای سندء پاسہ خدای سندء پاسہ قرآنس پیٹھ کر زیو عمل یوتھنہ باقی تتھ پیٹھ عمل کرنس منز  توھیہ پیٹھ سبقت حاصل کرن ، خدای سندء پاسہ ھمساین ھند تھاوزیو خیال کیازء کہ توھند پیغمبرن چھئ ھمساین متعلق سیٹھا سفارش کر مژ ۔

 خدای سندء پاسہ ، خدای سندء پاسہ ، خدای سندء پاسہ یوتھ نہ خانہ خدا مشرایون ، ییتس کالس زندء چھو تمچ زیارت روزیو کران، اگر خانہ خدایچ زیارت ترک گژھہ  عذابہ نشہ ھیکیو نہ بچت ۔

 خدای سندء پاسہ خدای سندء پاسہ نمازء روزیو  پابندی سان پران ، کیاز کہ توھندء دینک تھم چھوء نماز ، خدای سندء پاسہ ، خدای سندء پاسہ زکات آس زیو ادا کران کیاز کہ تمہ ساتھی چھوء خدای سند خشم کم سپدان ، خدای سندء پاسہ ۔

خدای سندء پاسہ خدای سندء وتہ جان تہ مالہ ساتھی کر زیو جہاد ۔ دویوو نفرو سوا کرنہ کانہہ تہ جہاد  اکھ ھدایتک امام تہ دویم تمسند مطیع تہ پیرو تہ ھدایتک طلبگار ۔

خدای سندء پاسہ خدای سندء پاسہ پننس پیغمبر سندین زورین ھند تھاوزیو خیال ، یوتھ نہ توھیہ برونہہ کنہ تمن ساتھ ظلم سپدء ، خدای سندء پاسہ خدای سندء پاسہ  پننس پیغمبر سندین تمن یارن ھند تھاو زیو خیال  یم نہ بدعت قائم کرن، کیاز کہ رسول خداین ﷺ چھئ سفارش کر مژ کہ  بدعت قائم کرن والن تہ تمن پناہ دنہ والین پیٹھ چھئ خدای سنز لعنت ۔

 خدای سندء پاسہ خدای سندء پاسہ  محتاجن تہ مسکینن ھند تھاو زیو خیال تمن بناو زیوکھ پننہ زندگی منز شریک ۔تمہ پتہ فرموکھ ؛ نماز ، نماز ، خدای سنزہ وتہ منز ملامت سپدس کھوژ زیو نہ ، خدا رچھیو توھیہ تہندء شرء نشہ  یمی توھیہ خلاف وتھن ۔ 

لوکن ساتھی یی زیو نیکی سان پیش ، یتھی کئن خداین چھو فرمومت ۔ امر بالمعروف نہی عن المنکر مشراوزیو نہ ،  وگر نہ خدا کرء توھیہ پیٹھ  بد حاکم مسلط ، تمہ ساعتہ کریو دعا مگر سوء گژھنہ قبول ، توھیہ پزء دوستی تہ بخشندگی اختیار کرن تہ دشمنی تہ دوریر نشہ پرہیز کرن ۔ 

نیک کامین تہ پرھیز کاری منز پانہ وانی اتھہ واس تہ مدد کرن ، تہ گناہ تہ ستمہ نشہ پتھ روزن ۔ تقوی تہ پرھیزگاری گژھہ اختیار کرن کیاز کہ خدای چھو سخت مجازات کرن وول۔

 خدا  کرن تہندین اولادن راچھئ ، تہ پیغمبر  روزین توھیہ پیٹھ راضی ، توھی ساری چھوسو خدایس حوالہ کران سوئی چھو بہترین محافظ تہ سلام تہ رحمت تہ برکت آسن توھیہ سارنی پیٹھ ۔
والسلام علیکم ورحمۃ اﷲ وبرکاتہ۔